ഇന്ത്യയിൽ 24 മണിക്കൂറിനിടെ 6566 പേർക്ക് കോവിഡ് സ്ഥിരീകരിച്ചു.

രാജ്യത്ത്​ കഴിഞ്ഞ 24 മണിക്കൂറിനുള്ളില്‍ 6566ല്‍ പരം ആളുകള്‍ക്ക്​ കോവിഡ്​ സ്ഥിരീകരിച്ചു. 194 പേര്‍ മരണത്തിന്​ കീഴടങ്ങി. ആകെ കോവിഡ്​ സ്ഥിരീകരിച്ചവരുടെ എണ്ണം 1,58,333 ആയതായും കേന്ദ്ര ആരോഗ്യ കുടുംബക്ഷേമ മന്ത്രാലയം വ്യക്തമാക്കി.

86,110 പേര്‍ കോവിഡ്​ ബാധിച്ച്‌​ ചികിത്സയിലാണ്​. 67,749 പേര്‍ രോഗമുക്തരായി. ഒരാള്‍ രാജ്യം വിട്ടു. ഇതുവരെ 4,534 പേര്‍ രാജ്യത്ത്​ കോവിഡ്​ ബാധിച്ച്‌​ മരിച്ചു. ഇന്ത്യയില്‍ മഹാരാഷ്​ട്രയാണ്​ കോവിഡ്​ ഏറ്റവും രൂക്ഷമായി ബാധിച്ച​ സംസ്ഥാനം. 56,948 പേരാണ്​ ഇവിടെ കോവിഡ്​ ബാധിതരായത്​. രാജ്യത്തെ ആകെ കോവിഡ്​ ബാധിതരുടെ മൂന്നിലൊന്ന്​ മഹാരാഷ്​ട്രയിലാണ്​.