കോട്ടയം അഡീഷണല്‍ സെഷന്‍സ് കോടതി വിധിയില്‍ പ്രതികരിച്ച്‌ സിസ്റ്റര്‍ ലൂസി കളപ്പുരക്കല്‍.

കന്യാസ്ത്രീയെ ബലാത്സംഗം ചെയ്ത കേസില്‍ ബിഷപ്പ് ഫ്രാങ്കോ മുളയ്ക്കലിനെ വെറുതെ വിട്ട കോട്ടയം അഡീഷണല്‍ സെഷന്‍സ് കോടതി വിധിയില്‍ പ്രതികരിച്ച്‌ സിസ്റ്റര്‍ ലൂസി കളപ്പുരക്കല്‍.

കോടതി വിധിയില്‍ ഖേദം രേഖപ്പെടുത്തുന്നെന്നും കേരളത്തില്‍ ആളുകള്‍ക്ക് അന്തസ്സോടെ ജീവിക്കാനുള്ള സാഹചര്യമാണ് ഈ വിധിയിലൂടെ ഭീഷണിയിലായിരിക്കുന്നതെന്നും ലൂസി കളപ്പുരക്കല്‍ പറഞ്ഞു. മറ്റ് രാജ്യങ്ങളില്‍ ഇത്തരം കേസുകളില്‍ പ്രതികള്‍ ശിക്ഷിക്കപ്പെടുമ്ബോള്‍ എന്തുകൊണ്ടാണ് കേരളത്തില്‍ മാത്രം ഇവര്‍ രക്ഷപ്പെടുന്നതെന്നും ഏതെങ്കിലും തരത്തില്‍ സ്വാധീനം ഉപയോഗിച്ചിട്ടാണോ ഇത്തരത്തിലുള്ള ഒരു വിധിയിലേക്കെത്തിയത് എന്നത് സംശയാസ്പദമാണെന്നും ലൂസി കളപ്പുരക്കല്‍ കൂട്ടിച്ചേര്‍ത്തു.

”കുറ്റക്കാരന്‍ എന്ന് നമ്മള്‍ സാഹചര്യങ്ങള്‍ കൊണ്ടും തെളിവുകള്‍ കൊണ്ടും വിശ്വസിച്ചിരുന്ന വ്യക്തിയെ ഒറ്റവരി കൊണ്ട് കോടതി കുറ്റവിമുക്തനായി പ്രഖ്യാപിച്ചിരിക്കുകയാണ്. നീതിക്ക് വേണ്ടി പൊരുതിയ സിസ്റ്റേഴ്സിനൊപ്പം ചേര്‍ന്നുനിന്ന്, അവരെ സ്നേഹിക്കുകയും സത്യത്തെ സ്നേഹിക്കുകയും ചെയ്യുന്ന നീതിബോധമുള്ള നമ്മുടെ രാജ്യത്തെ മുഴുവന്‍ ആളുകളോടും ചേര്‍ന്ന് നിന്നുകൊണ്ട് ഞാന്‍ ഈ വിധിയില്‍ ഖേദം പ്രകടിപ്പിക്കുകയാണ്.

വാർത്തകൾ വേഗത്തിൽ അറിയാനും, അറിയിക്കാനും ഈ ഗ്രൂപ്പിൽ JOIN ചെയ്യുക