ദേവയാനിയമ്മയുടെ കണ്ണീർ തുടച്ച് ടോണി അച്ചായൻസ് ​ഗോൾഡ്; 94 വയസ്സുള്ള ലോട്ടറി വിൽപ്പനക്കാരി ദേവയാനിയമ്മയെ കാണാൻ ഓടി എത്തി അച്ചായൻസ് ​ഗോൾഡ് ഉടമ ടോണി വർക്കിച്ചൻ

കോട്ടയം : മുണ്ടക്കയം കുറുവാമൂഴിയിൽ ലോട്ടറി വിൽപ്പന നടത്തുകയായിരുന്ന സാധു സ്ത്രീക്ക് നേരിട്ട ദുരനുഭവം കഴിഞ്ഞ ദിവസം വലിയ വാർത്തയായിരുന്നു.

ലോട്ടറി വിറ്റ് ഉപജീവനം നടത്തിയിരുന്ന വയോധികയെ പറ്റിച്ച് നാലായിരം രൂപയുടെ ലോട്ടറി തട്ടി എടുത്ത് കള്ളനോട്ട് നൽകി യുവാവ് സ്ഥലം വിട്ടു. ജീവിതമാർ​ഗം തന്നെ നിലച്ചുപോയ ദേവയാനിയമ്മയ്ക്ക് കരയാൻ മാത്രമേ ആകുമായിരുന്നുള്ളൂ.

മലയാളശബ്ദം വാർത്ത ശ്രദ്ധയിൽപ്പെട്ട സാമൂഹ്യ പ്രവർത്തകനും അച്ചായൻസ് ​ഗോൾഡ് ഉടമയുമായ ടോണി, ദേവയാനിയമ്മയുടെ അടുക്കൽ ഓടി എത്തുകയും നഷ്ടപ്പെട്ടതിനേക്കാൾ അധികം തുക നൽകുകയും ആ അമ്മയെ മകന്റെ ആശ്വാസം നൽകി ചേർത്തുനിർത്താനും ടോണി തയ്യാറായി. ഇതിനോടകം നിരവധിപേർക്ക് തണലാകുവാൻ ടോണി വർക്കിച്ചന് സാധിച്ചിട്ടുഒ്.