പട്ന: ഭാര്യ കാമുകനൊപ്പം പോയതിന്‍റെ ദേഷ്യത്തില്‍ കാമുകന്‍റെ ഭാര്യയെ വിവാഹം ചെയ്ത് ഭര്‍ത്താവ് പകരം വീട്ടി.
ബിഹാറിലെ ഖഗാരിയ ജില്ലയിലാണ് സംഭവം.
2009ലാണ് നീരജും റൂബി ദേവിയും വിവാഹിതരായത്. നാലു മക്കളാണ് ഇവര്‍ക്ക്. എന്നാല്‍ കുറച്ച്‌ വര്‍ഷങ്ങള്‍ക്ക് ശേഷം നീരജ് തന്‍റെ ഭാര്യക്ക് മുകേഷ് എന്നയാളുമായി വിവാഹേതര ബന്ധമുണ്ടെന്ന് കണ്ടെത്തി.2023 ഫെബ്രുവരിയില്‍ റൂബിയും മുകേഷും വിവാഹിതരായി.താമസിയാതെ നീരജ് അവരുടെ വിവാഹത്തെക്കുറിച്ച്‌ അറിയുകയും ഭാര്യയെ തട്ടിക്കൊണ്ടുപോയതിന് മുകേഷിനെതിരെ ലോക്കല്‍ പൊലീസ് സ്റ്റേഷനില്‍ പരാതി നല്‍കുകയും ചെയ്തു. പ്രശ്‌നം പരിഹരിക്കാന്‍ ഗ്രാമപഞ്ചായത്ത് ശ്രമം നടത്തിയെങ്കിലും ആദ്യ വിവാഹത്തില്‍ നിന്ന് രണ്ട് കുട്ടികളുള്ള മുകേഷ് സമ്മതിച്ചില്ലെന്നും അന്നുമുതല്‍ ഒളിവിലായിരുന്നുവെന്നും നീരജ് പറഞ്ഞു. തുടര്‍ന്ന് മുകേഷിന്‍റെ ഭാര്യയെ വിവാഹം ചെയ്യാന്‍ നീരജ് തീരുമാനിക്കുകയായിരുന്നു. കൗതുകകരമെന്ന് പറയട്ടെ മുകേഷിന്‍റെ ഭാര്യയുടെ പേരും റൂബിയെന്നാണ്.
ഫെബ്രുവരിയില്‍ തന്നെ ഗ്രാമത്തിലെ ക്ഷേത്രത്തില്‍ വച്ച്‌ ഇരുവരും വിവാഹിതരാവുകയും ചെയ്തു. റൂബിയുടെ കുടുംബവും ഈ ബന്ധത്തെ അംഗീകരിച്ചു. വിചിത്ര വിവാഹത്തെക്കുറിച്ചുള്ള വാര്‍ത്ത സാമൂഹ്യമാധ്യമങ്ങളില്‍ വൈറലായിട്ടുണ്ട്. മുകേഷിന്‍റെ ഭാര്യയെ വിവാഹം കഴിക്കാന്‍ നീരജ് ആദ്യമേ പദ്ധതിയിട്ടിരുന്നതായി ചിലര്‍ കമന്‍റ് ചെയ്തു. വിവാഹിതര്‍ പരസ്പരം ഒളിച്ചോടുന്നു, ഇവിടെ ഞാന്‍ ഇപ്പോഴും അവിവാഹിതനാണ്..എന്ന തരത്തിലുള്ള രസകരമായ കമന്‍റുകളും പ്രത്യക്ഷപ്പെടുന്നുണ്ട്.
വാർത്തകൾ വേഗത്തിൽ അറിയാനും, അറിയിക്കാനും ഈ ഗ്രൂപ്പിൽ JOIN ചെയ്യുക
