സർക്കാരിനെതിരെ ഇന്ത്യൻ മെഡിക്കൽ അസോസിയേഷൻ.

 

കൊവിഡ് പ്രതിരോധ പ്രവർത്തനത്തിൽ സംസ്ഥാന സർക്കാർ കൈക്കൊണ്ട പുതിയ തീരുമാനത്തിനെതിരെ ഇന്ത്യൻ മെഡിക്കൽ അസോസിയേഷൻ രം​ഗത്ത്. കൊവിഡ് രോ​ഗികളുടെ സമ്പർക്ക പട്ടിക തയാറാക്കുന്ന ജോലി പൊലീസിനെ ഏൽപ്പിച്ചതിനെ ന്യായീകരിക്കാൻ ആകില്ല. തന്നെയുമല്ല ആരോഗ്യ പ്രവർത്തകരിലെ രോഗബാധയ്ക്ക് കാരണം സുരക്ഷാ ഉപകരണങ്ങൾ ലഭ്യമാക്കുന്നത്തിൽ സർക്കാരിന് വന്ന വീഴ്ച്ചയാണെന്നും ഐഎംഎ ആരോപിച്ചു.

 

 

കൊവിഡിന്‍റെ ആദ്യനാളുകളിൽ കേരളത്തിന് ലഭിച്ച വിജയം കൈവിട്ടുപോകുന്ന അവസ്ഥയാണ് ഇപ്പോഴുള്ളത്. ആരോഗ്യ വിഷയത്തിൽ അറിവ് ഉള്ളവരെ ആയിരിക്കണം സമ്പർക്ക പട്ടിക തയ്യാറാക്കുന്ന ജോലി ഏൽപ്പിക്കേണ്ടത്. സംസ്ഥാനത്ത് കൊവിഡ് ടെസ്റ്റുകളുടെ എണ്ണത്തിൽ അടിയന്തരമായി വർദ്ധനവ് ഉണ്ടാകണം. ക്ലസ്റ്ററാകാൻ സാധ്യതയുള്ള സ്ഥലങ്ങളിൽ വീടുകൾ തോറും പരിശോധന നടത്തി പരിശോധനാ ഫലം കൃത്യമായി അറിയിക്കണം. റിവേഴ്‌സ് ക്വാറന്‍റീന്‍റെ ഭാഗമായി വയോജനങ്ങളെ മാറ്റി പാർപ്പിക്കാനുള്ള തീരുമാനം പുന:പരിശോധിക്കണം എന്നും ഇന്ത്യൻ മെഡിക്കൽ അസോസിയേഷൻ പറഞ്ഞു.

 

 

എതിർപ്പുമായി ഹെൽത്ത് ഇൻസ്‌പെക്ടർമാരുടെ സംഘടനയും രംഗത്തെത്തി. ഇത് ആരോഗ്യ പ്രവർത്തകരുടെ മനോവീര്യം തകർക്കുന്ന തീരുമാനമാണ്. ഇതുവരെ നടത്തിയ പ്രവർത്തനങ്ങളെ അംഗീകരിക്കാത്ത തീരുമാനമെന്നും വിമർശനം. ഇക്കാലയളവിലുള്ള പ്രവർത്തനങ്ങൾ തൃപ്തികരമല്ലെന്ന് പറയുന്ന രീതിയിലുള്ള നിലപാടാണിത്. ഇത് യുക്തിരഹിതമാണിതെന്നും ആരോഗ്യ സംഘടനകൾ. പൊലീസ് ലോ ആൻഡ് ഓർഡർ സംബന്ധിച്ച പ്രവർത്തനങ്ങളാണ് നടത്തേണ്ടതെന്ന് ഐഎംഎ വ്യക്തമാക്കി.

 

 

കഴക്കൂട്ടം എഫ്‍ സി ഐ ഗോഡൗണിൽ നടത്തിയ ആന്‍റിജന്‍ പരിശോധനയിൽ ഏഴ് പേർക്ക് രോഗം സ്ഥിരീകരിച്ചു. 74 പേരെ ടെസ്റ്റ് ചെയ്തതിൽ ഏഴ് പേർക്കാണ് കോവിഡ് പോസിറ്റീവായത്. അഞ്ച് ലോറി ഡ്രൈവർമാർക്കും രണ്ട് ചുമട്ടുതൊഴിലാളികൾക്കുമാണ് കൊവിഡ് സ്ഥിരീകരിച്ചത്. ഇന്നലെ നടന്ന പരിശോധനയിൽ ഡിപ്പോ മാനേജരടക്കം നാല് പേർക്ക് പോസിറ്റീവായിരുന്നു. അഞ്ചുതെങ്ങിൽ ഇന്ന് 50 പേർക്ക് നടത്തിയ പരിശോധനയിൽ 32 പേർക്കും രോഗം സ്ഥിരീകരിച്ചു. ഒരു പഞ്ചായത്ത് ഓഫിസ് ജീവനക്കാരിക്കും രോഗം സ്ഥിരീകരിച്ചിട്ടുണ്ട്.

വാർത്തകൾ വേഗത്തിൽ അറിയാനും, അറിയിക്കാനും ഈ ഗ്രൂപ്പിൽ JOIN ചെയ്യുക