കഴിഞ്ഞ ഏതാനും വര്‍ഷങ്ങളായി ഡിജിറ്റല്‍ ഇടപാടുകള്‍ നടത്തുന്നതില്‍ ഏറെ മുന്നിലായിട്ടുണ്ട് നാം. പത്ത് രൂപ മുതല്‍ പതിനായിരക്കണക്കിന് രൂപ വരെ വളരെ എളുപ്പത്തല്‍ ഡിജിറ്റലായി അയക്കാന്‍ കഴയുമെന്നത് തന്നെയാണ് അതിന് കാരണം.
യുപിഐ ഇടപാടുകളുടെ എണ്ണം വര്‍ധിച്ചതോടെ നമ്മുടെയിടയില്‍ ഏറെ പ്രചാരത്തിലായ ഒന്നാണ് ഗൂഗിള്‍ പേ.
എവിടെ പോയാലും ഇപ്പോള്‍ ഗൂഗിള്‍ പേ ഉണ്ടാകും. ജി-പേ എന്നും അറിയപ്പെടുന്ന ഈ സംവിധാനം ഉപയോഗിക്കുന്നവരാണ് ഒട്ടുമിക്കയാളുകളും. സുഹൃത്തുക്കള്‍ക്കും അപരിചതര്‍ക്കും കച്ചവട സ്ഥാപനങ്ങളിലുള്ളവര്‍ക്കും തുടങ്ങി ആര്‍ക്ക് വേണമെങ്കിലും പണമയക്കാനുള്ള എളുപ്പമാര്‍ഗമാണ് ജി-പേ. ഏതാനും സെക്കന്‍ഡുകള്‍ കൊണ്ട് തീരുന്ന ഈ പണമിടപാടില്‍ പലപ്പോഴും അബദ്ധങ്ങളും സംഭവിക്കാറുണ്ട്.. അതിലൊന്നാണ് ആളുമാറി പണമയക്കല്‍.
ഉദ്ദേശിച്ച വ്യക്തിക്ക് പകരം ഗൂഗിള്‍ പേ അക്കൗണ്ടുള്ള മറ്റൊരാള്‍ക്ക് പണമയക്കുന്ന സംഭവങ്ങളാണ് അധികവും നടക്കാറുള്ളത്. ഇത്തരത്തില്‍ പണം തെറ്റി അയച്ചുകഴിഞ്ഞാല്‍ എന്താണ് ചെയ്യേണ്ടത്.. ?
ആദ്യം 18001201740 എന്ന നമ്ബറിലേക്ക് വിളിച്ച്‌ പരാതി രജിസ്റ്റര്‍ ചെയ്യുക. ഇത്തരം സംഭവങ്ങളുണ്ടാകുമ്ബോള്‍ പരാതി നല്‍കാനുള്ള യുപിഐയുടെ സെല്‍ ആണിത്. അതിന് ശേഷം നിങ്ങളുടെ ബ്രാഞ്ച് മാനേജരെ കാണാവുന്നതാണ്. തെറ്റി പണമയച്ചാല്‍ മൂന്ന് ദിവസത്തിനുള്ളില്‍ തന്നെ ബ്രാഞ്ച് മാനേജരെ സമീപിക്കേണ്ടതാണ്. പണം തിരികെ ലഭിക്കാനുള്ള നടപടികള്‍ ഇവര്‍ക്ക് സ്വീകരിക്കാനാവും.
അതുമല്ലെങ്കില്‍ https://rbi.org.in/Scripts/Complaints.aspx എന്ന വെബ്‌സൈറ്റില്‍ പോയി പരാതി നല്‍കാം. ഇതെല്ലാം ചെയ്താലും പണം തിരികെ ലഭിക്കണമെങ്കില്‍ തുക ക്രഡിറ്റായ അക്കൗണ്ട് ഹോള്‍ഡറുടെ സമ്മതം ആവശ്യമാണ്. അതിനാല്‍ പ്രസ്തുത അക്കൗണ്ട് ഹോള്‍ഡറെ സമീപിച്ച്‌ ധാരണയിലെത്താന്‍ ശ്രമിക്കുക.
വാർത്തകൾ വേഗത്തിൽ അറിയാനും, അറിയിക്കാനും ഈ ഗ്രൂപ്പിൽ JOIN ചെയ്യുക
